બહેજ ગામ,તા.ખેરગામ, જિ.નવસારી

   બહેજ પ્રાથમિક શાળાના ખેલાડીઓની ઉડાન: અંડર-9 અને અંડર-11માં વિજયી બની રાજ્યકક્ષાની દિશામાં પગલું નવસારી, તા. ૧૨ નવેમ્બર – આજરોજ નવસારી જિલ્લાના મદ્રેસા હાઈસ્કૂલ ખાતે જિલ્લા કક્ષાની અંડર-9 તથા અંડર-11 કેટેગરીની ખેલમહાકુંભ સ્પર્ધા યોજાઈ હતી, જેમાં બહેજ પ્રાથમિક શાળાના ચાર પ્રતિભાશાળી વિદ્યાર્થીઓએ વિવિધ છ રમતોમાં વિજય હાંસલ કરી શાળાનું ગૌરવ વધાર્યું હતું. બાળકોએ ઉત્કૃષ્ટ પ્રદર્શન કરતાં નીચે મુજબના સ્થાન મેળવ્યા હતા: 🏅 યાર્વી જયેશભાઈ આહિર – બ્રોડ જમ્પમાં તૃતીય સ્થાન 🥇 પ્રિતેશકુમાર જિગ્નેશભાઈ પટેલ – લાંબી કૂદમાં પ્રથમ સ્થાન અને બ્રોડ જમ્પમાં દ્વિતીય સ્થાન 🥈 ક્રિષ્ના રાકેશભાઈ દેસાઈ – ૩૦ મીટર દોડમાં દ્વિતીય સ્થાન 🥉 દર્પણકુમાર હરીશભાઈ પટેલ – ૧૦૦ મીટર દોડમાં દ્વિતીય તથા ૫૦ મીટર દોડમાં તૃતીય સ્થાન આ સૌ વિજેતાઓ હવે રાજ્યકક્ષાની ખેલમહાકુંભ સ્પર્ધામાં ભાગ લેશે. શાળાના આચાર્ય શ્રી સેજલભાઈ તથા તાલુકા પંચાયત પ્રમુખ શ્રી રાજેશભાઈ, ખેરગામ તાલુકા પ્રાથમિક શિક્ષણાધિકારીશ્રી મનીષભાઈ પરમાર સાહેબ, ખેરગામ કેળવણી નિરીક્ષકશ્રી પ્રશાંતભાઈ પટેલ, ખેરગામ બી.આર.સી. શ્રી વિજયભાઈ પટેલ અને ખેરગામ તાલુકા ...

ખેરગામના દોડવીરોએ સાપુતારામાં લહેરાવ્યો વિજય ધ્વજ! ખેરગામ /5મી નવેમ્બર 2025 ડાંગ જિલ્લાના સાપુતારા ખાતે યોજાયેલી  10મી સ્ટેટ માસ્ટર એથ્લેટિક્સ ચેમ્પિયનશિપ માં ખેરગામ તાલુકાના બે વરિષ્ઠ દોડવીરોએ ઉત્કૃષ્ટ પ્રદર્શન કરી ગૌરવ મેળવ્યું છે. ખેરગામના નિવૃત્ત શિક્ષક  મણિલાલભાઈ પટેલ ે 1500 મીટરની દોડમાં બીજો ક્રમ મેળવી  સિલ્વર મેડલ  જીત્યો. જ્યારે બહેજ પ્રાથમિક શાળાના ઉપશિક્ષક અને ખેરગામ નગીનદાસ નગરના રહેવાસી  પ્રવિણભાઈ ગુલાબભાઈ પટેલ ે અદભૂત પ્રદર્શન કરી 1500 મીટર અને 800 મીટર બંને દોડમાં  પ્રથમ સ્થાન  મેળવી બે  ગોલ્ડ મેડલ , તેમજ 400 મીટર દોડમાં  બીજો ક્રમ  મેળવી  સિલ્વર મેડલ  મેળવ્યો. આ રીતે ખેરગામ તાલુકાના આ બંને ઉત્સાહી વડીલ ખેલાડીઓએ કુલ  ચાર મેડલ  મેળવી તાલુકા અને જિલ્લામાં ખેરગામનું નામ રોશન કર્યું છે.